2009年8月31日 星期一

OZOC 金色吊頸鞋

花了十多塊錢買支Pattex,鞋底是接合了,但第二次再穿,發現今次輪到鞋底裂為兩段,重點救,無奈...
火車來的一迅間,和發現得而復失既涼鞋那一刻相仿,暮然一黑就過去。
總算曾亮麗耀眼過。

2009年8月30日 星期日

Delifrance 水杯

很喜歡見到品牌出既限定產物,這對是Delifrance 既水杯,マリア換既。



發泡膠飯盒 vs 黑椒牛柳絲炒烏冬

千年才食一次的飯盒,早有考慮過個發泡膠盒會溶的問題,只是向來都是考慮,直到睇過一個測試,發泡膠盒放乾炒牛河真的熱溶個膠盒,幾驚...

今日就係千年一次既食飯盒日,奢望黑椒牛柳絲炒烏冬冇乾炒牛河咁熱啦...喺權發買$24一盒既下午茶外賣,嘩,好有心呀權發,個飯盒底加咗塊錫紙,唔知係咪家陣所有發泡膠飯盒都有加既呢。

我留意到所有自稱低卡低糖既飲品既味都係差唔多,就係唔好味,忌廉原本好好飲家嘛。唉。

2009年8月28日 星期五

在地鐡我遇上 2

手拿樽裝氣水,來回度步地在車廂中講電話的一位年輕人,如此這般很正常,但一放下電話,在我面前既那一位T-shirt,短褲,人字拖既年輕人,仍然在來回度步於同一車廂中,立時令我有不安感,此時更飲起手中的氣水,和他只有三步距離既我,想到若果佢突然倒啲氣水出嚟,君子不立危牆下,即時棄位走到另一車廂,接著見到陸續有人移走,此時我更認真到落車等下一班車。

觀其外表,神態,我聯想到是服了藥物影響了神智,是真是假,都浪費了生命!

2009年8月27日 星期四

在地鐵我遇上 1

小平話最近搭地鐵都只會用布袋,因在車廂內人迫迫,若用上皮袋,印上別人的汗漬,會眼火爆,唔覺意留下別人的氣味,就掉咗個袋把啦。

今朝我遇上的,就是比掉咗佢算的情形更嚴峻,因我唔可以掉咗佢算咁灑脫...嗰隻係我手臂呀...

事情係,站在扶手電梯右方的我,突然有一陣濕漉漉的物體在我手臂掠過,然後一背心大叔在道歉聲中遠去,唉....我今日著既都係背心咁既一件上衣,即時狂找袋裡的消毒濕紙巾來抹去實質及心靈的厭惡。

點解偏偏要遇上...